忙碌的工作

呢幾日....叫今日最早走.....9點半......

星期一: 12點

星期二: 10點

星期三: 9點半

我真係無停過手, 都清唔晒d 野

, 只係見邊d urgent 就做左先.....可以等的最後先做.....一早返到去就比人追, 話你差我好多野wor.....追數咩.....

好彩, bonnie 有時間都幫下我手,唔似其他同事咁........真係多謝bonnie 啦!! 希望下星期會好d,,,,起碼唔係執人d 手尾....同埋唔好再轉船啦~~~轉一轉多好多野做呀~~

由8 月份起, 我要調week 了....其實都預左....即係我黎緊兩個星期六都唔洗返....希望星期五做得晒d 野啦..咁就真係唔洗返啦~~~~

走了....

同事今日last day la~~

話咁快就到呢一日o既來臨....今日有d 唔開心...可能唔捨得掛.....

想同佢影多幾張相, 不過奈何太多野做.......道別說話亦無乜講

....只係o係msn 到講左幾句.......希望佢去到新公司d 同事都對佢好好,無人蝦佢啦...呵呵

今日見到隔離位個同事眼濕濕(唔關同事走,只係工作上), 我個心有d酸, 做野做得唔開心, 真係幾辛苦~~

再係咁...真係唔知可以捱得幾耐呀....

吃力不討好..係我地dept. o既本息!!

真係唔明?!

今日心情已經好返d ....多謝winnie 的豐富午餐

....laura 唔好意思...放左你飛機!!! sorry!!

真係有d 唔明...點解有d 人放工無野做都唔走o既呢?!!!!我見住d 人由放工傾電話傾到7 點幾8 點..一要一路傾一路"met" d 手指皮......見"阿姐"差唔多走佢先收線..."阿姐"一走..唔夠一陣佢就即走...咁佢即係無野做...白白咁比佢賺左個幾鐘啦.....仲以為佢好忙tim...成日都係放一張紙o係檯面!!!

喜與悲

有一件開心事

....有一個唔開心事.........講左唔開心先啦.....再講開心...感覺好似會好d....

事關有個同事走....一來我有d 唔捨得佢..話晒都識左差唔多5 年啦..一齊做野左5 年啦!!! 二來工作上一定有變動, 今日知道左個變動, 真係有d 唔開心, 真係有d 比人"鄧苳姑"的感覺.....我覺得自己有d 似一個舊同事 - Gloria....點解?! 因為好多年前佢都係由operation 比人轉返做文件, 被人逼走架!!o係o個陣時開始我就接左佢d operation黎做....當時我入黎做左一年左右, 仲有好多野係唔識ga....o個一刻我真唔想轉ga...因為個同事仲o係度...好似有d 尷尬咁...一個初入行o既小妹妹,做左佢做d 野.....係佢地格硬推我上黎.....而家又推返我落去... 唔通都想逼我走?!

做左operation 已經4 年啦...........一時間要我轉.....真係有d .....

winnie 叫我唔好唔開心, 我同佢講無野, 但係個心始終有d 野囉.....我都知winnie 好難做....佢無得揀,無得出聲.....回想起5 年前...由我剛剛入黎做野淨係做report, 之後做文件,再有機會比我做operation....但係到頭來都係做返以前要做o既野...唔係有其他新野學囉....呢間公司真係無野可以比我學啦....我再留o係度有咩意思呢?! 係咪要襯我仲後生出去見識下呢....講真, 如果唔係為左11月去旅行我真係會走囉, 到左11月..又想等到12月同新年的雙糧及花紅.....即係話仲有8 個月等我捱呀!!! 天呀!! 教下我應該點做, 點面對呀?!!

我真係好唔明, 點解個個放假d 野都係我跟?? 咩都關我事...上至booking 下至文件, 就連counter放假,無人頂 都要關我事....莊小姐放假可以唔同人講, 有野未做又唔同人講....我係咪可以唔幫佢整丫.....winnie 想申請放假, 遲遲未批, 莊小姐係咪得人疼愛d 呀?! 唔好咁大細超啦....

好彩...o係臨收工o個時都有小小好消息....就係今個月會加人工同埋b 仔.....都有野值得我繼續捱!!! 可能就係小小的推動力.....