旅行@日本

 

呂大人已經攪掂左機票同酒店啦.....辛苦晒!!!

平時返工無時間睇, 夜晚返到屋企又夜, 睇資料o既時間唔多, 為有睇左d o岩心水o既...叫呂大人再睇

訂左機票之後, 就即係搵埋酒店......但係好多酒店已經full 左, 因為o個幾日日本假期......所以都有d 擔心到時要訓街...一係要住d 貴酒店....不過都好彩最後都搵到間...上網睇人評價都ok.....就呢間啦.....諗住酒店我book ga...但係唔知點解屋企電腦book 唔到......最後都係叫呂大人攪掂...

呂大人都睇左好多資料....不過多數o係公司睇.....佢好似唔洗做野咁....睇足成日....哈哈!!! 真係好....我就忙到連水都唔得閒飲

中秋節 2007

今年中秋,,,公司可以放3 點....但都預左無咁早走得....都諗住6 點幾ok ....不過點知做做都已經7 點幾8 點啦, 仲要鎖門tim~~返到屋企差唔多9 點...見到留下d 小朋友玩得幾開心...我就o岩o岩放工...唉
返到屋企食完飯, 呂大人問我出唔出去.....不過我真係好攰, 所以無出去...o係屋企睇下電視休息下.....

第二日就去左香港仔...食完野去禁機....頂!!! 食card!!!!!

真係

黑仔...咩mood 都無晒
...之後返左呂大人屋企.......玩wii~~~~~~~~~~玩到隻手都有d 酸痛!!!

咁就過左一日o既假期啦.....假期後一定忙到死!! 快d 都十月一啦...會輕鬆dd~~!!

生日 @ 9 月18 日

今日係正日生日......去左tst ...諗住去太空館......點知去到....................

去到先知逢星期二休館......頂, 講左好耐啦都去唔成......之後為有o係海旁影下相....仲睇埋日落tim~~懶浪漫咁

開頭諗住去銅鑼灣食晚飯, 點知訂唔到位....就去左tst o既魚一丁食.......食完仲好早, 行返去海旁睇燈光匯演....第一次o係現場睇, 平時最多見到d 燈射黎特去...原來現場係有廣播ga~~ 個感覺有d 唔到, 開頭睇到幾靚ga, 睇耐左就覺得有d 悶...來來去去都係咁, 睇完就返屋企lu~~ 咁就過左一個浪漫o既生日啦, 咁就過左4 日o既假期啦....不過呢4 日做左好多野!!!

今日收到好多個朋友仔o既sms, 有sandy, grace, 宋,吳佳,log, 狄狄, eva, alex, 小寶 ...我仲逼左呂大人都要send 一個比我tim~~ 哈哈

thank you 各位

生日 @ 9 月17日

因為貪平2 個人去左唱lunch k~~ 因為呂大人唔好唱歌....唯有由我獨當大旗啦..哈哈...唱到我都聲沙, 由12 點唱到3 點幾....都無人趕我地走.....不過要去銀行,所以無繼續唱

o係銀行等左半個中, 整野又成半個中.....如果返工,lunch 時間去等...連飯都唔洗食呀!! 不過o係銀行聽到d 好攪笑既野, 有一對夫婦排左半個中頭隊...個叔叔問點解張card 用左, 本簿仔無扣數o既.....銀行職員忍到笑真係好野.....點解? 因為佢張card 係credit card...唔係提款card......我聽到都覺得好笑.....個叔叔仲講, 以為咁著數用左唔洗扣錢, 見未用過先用下..

諗住今日可以同sandy 食飯,點知.....佢..唔得閒.....唉.....仲要比人話抵死, 唔約人丫拿.....喂,已經唔開心ga la..你仲講?!!

之後唯有買個蛋糕返屋企, 同媽咪一齊切蛋糕~~~~~

生日 @ 9 月16 日

去左"香港動植物公園" .......從中環行去,原來好遠ga!! 好似行山咁, 條路又斜~~仲辛苦過去馬灣....
入到去睇左"阿笨-猩猩", 睇左雀仔, 睇左老虎......就無啦.....行左一陣..影左d 相...咁就走啦...之後"碌"返落中環去左呂大人屋企等食飯~~~多謝 Auntie...請我食飯~~~!!
今日已經收到呂大人o既生日禮物....就係ck 鼠啦....仲有4 樣tim~~ 不過其中一樣我已經有lu~~~不過都好開心~~~

生日@ 9 月15日

今日去左馬灣影相.....嘩...真係行到死下死下

, 又熱wor.....又唔識路....所以都搵左幾耐先搵到目的地 --- 馬灣公園 .....其實呢個公園都唔錯, 都幾靚ga, 不過都未起好晒....如果攪掂晒..我都會去多次...不過唔會揀咁大熱天時去.....真係好辛苦.....去到最開心o既一件事..就係去廁所....個廁所不但乾淨..仲有冷氣tim~~ 入到去真係唔想出返黎呀..哈哈~~!

到左6 點幾...之後搭車去左青衣食飯...食完返左沙田, 諗住問下d 旅行社, 但點知......已經收工....當時只係8:15
...咁早收工...唔洗做生意呀?! ....

生日@ 9 月11 日

多謝Winnie & Bonnie 為我提早慶祝.....仲請左我食一餐豐富o既晚餐...

就係出左旺角打邊爐啦...好味...呵呵....

佢地兩個知我唔多開心, 所以就請我出去食飯, 真係多謝晒~~~錫晒你地

小圈子

M: 邊個話買禮物ga?
C: 我囉
M:我無話夾wor
M:點解"大學生"生日你唔去買?
C: 我真係唔記得左
M: 要攪小圈子去第二度攪, 美洲唔歡迎人攪小圈子
W: 我好耐都無負責買禮物啦
M: 即係得C 去買啦
M: 咁以後唔好攪啦, 唔洗慶祝啦
C: 哦! 好呀 (我心諗仲好, 以後唔洗煩, 次次都係我!! 不過今次要自己哽多份錢囉)

以上對話今日o係公司發生, 我唔知其他同事聽唔聽到....不過我聽到就好唔開心.....咩攪小圈子呀? 我真係唔知而家邊個攪緊小圈子囉, 我就係唔想咁我先去買野...費事比人話...點知真係好事多為啦!!

我頭先搭巴士返屋企...我真係忍唔住喊左出黎....

講真, 我o係度做左5 年啦, 個個生日我都有份出力, 算啦, 大家同事, w 講得好o岩, 咁你生日o個時邊個出力呀? 如果大家都係擺個心出黎就話o者, 而家唔係wor...唉..算啦..而家開始唔洗記住邊個邊個幾時生日...仲好

對呢間公司(可能係某幾個同事) 真係心淡啦, 做到三間半夜又點o者....d 人只會覺得你做野慢....一係覺得你o係度"磨", 呢幾個月我都做得好唔開心, 一來多野做,二來比人針對, 多野做都唔緊要呀, 晚晚12 點,一星期返足7 日,一個月放得一日假,以前都試過啦,不過o個時係個個都多野做, 個個都12 點, 而家....................真係好唔公平!!有d 人工作量咁少, o係到扮ot 就得, 我成日都飲唔到一杯水,連廁所都唔得閒去......我真的需要咁賣力?! 以後唔會囉......我唔會o係公司多講野, d 野做都切咪做囉...由你吹下,等下囉...做唔切點做o者...唔會為左個同事可以準時放工而做左比佢先囉

有一樣野好"忟"ga....有個客要出report的..有一次w 因為放左幾日假返黎多野做,對唔切, 跟住w問m 可唔可以星期一先send 呀, 橫掂班船delay左...星期一出都無問題, 點知m 就答...要send 啦, 盡量對啦...到左第二次t 同事做到好夜(9 點幾) 話唔對啦, send 左先啦,星期一返黎再對再revise....下? 咁都得呀?人地話咁咪咁囉, 到左第三次, 我5 點半到比左份report t 同事, 佢話趕住去睇醫生, 聽日返黎先對..send 左先啦....其實對o個份野只需10 分鐘......可能都唔洗.....咁都唔對埋先? 我真係唔知講咩好.....咁我以後做咩要咁趕做晒d 野o者...橫掂都唔洗一定要t 同事對完先出ga la.....

沙田老婦被巴士撞死

一名老婦早上在沙田秦石h巴士總站，被一部到站的巴士撞死。被捲入巴士車底的女途人當場死亡，警方封鎖現場，在站頭向涉及意外的司機落口供，又找目擊者調查意外原因。事發在早上8時...

以上新聞...就係我今朝遇到....雖然我唔係見到事發經過, 但係我見到個人o係車底.....我望左一眼已經唔敢再望, 我個心已經好唔安樂.....個影像不停咁o係腦海出現.....返到公司同個同事講開...佢上網睇新聞,個人已經死左....嘩....我個心仲唔舒服

.....攪到我今日放工返屋企時, 唔敢o係事發地方行過...要兜路行.....

口號!!!!

我發覺自己諗野太過單純, 呢個世界真係好險惡.....無咩邊個係好人, 唔係人人信得過, 人人都係自私的

最好把自己抽身, 唔好捲入任何瓜葛中...做好自己...

要抱住"人地唔鍾意你係唔洗原因, 人地唔體諒你o既辛勞係應該既" 咁o既態度工作, 要有"莫問" 既心...工作先會愉快!!

口號: 唔好比人打沉, 要keep 住高昂士氣!!!!!!!

新相機

有一部新相機, 真係要多謝人地買左部單鏡相機, 點解?! 咪因為係簽咭送囉...變左唔洗錢就有部新相機....

其實如果要錢買, 我唔會買囉, 因為我都有部400 萬像都未壞, 雖然個screen 係細左d, 但係叫我唔要佢我又做唔到, 而家新呢部有600 萬像, 個screen 有2.5 吋, 都好好ga la...唔洗錢喎~~仲想點呀?我都唔係影相之人, 影靚相就梗係用人地支單鏡相機啦....

買支鏡都成3千蚊啦, 3 千蚊我已經可以買到一部最新款既相機......不過人地話仲想買多支鏡喎....就係因為咁我鬧佢 "已經洗左成皮野, 仲唔夠呀?! 又話同我去日本..."

我知我o個日d 語氣真係幾差.....

想知用個靚相機影得係咪靚d...等我upload d 野比大家睇下...

1)呢張我影.....用普通相機影o既效果

2) 呢張係人地好pro 咁影......分別幾大

3) ...我而家先知點可以影到半透明


p.s. 呢篇野我已經打左3 次, 但係3 次都無啦....有希望今次唔會啦