2010 Diary

買左本新o既diary....不過我唔係鐘意hello kitty.....只係見佢唔係貴, 個size o岩, 又好寫野先買佢

要12 月21 日開始用得....

我們的大日子呀~~~ 2011 年1 月23 日~~~

結婚公仔

唔知由幾時開始喜歡左呢隻羊....所以結婚公仔都揀左佢.....如果有ck 鼠,我一定揀ck 鼠!! 呢對羊都唔平....成伍百幾蚊.....仲要條裙唔係好靚.....本來想o係nici 加埋個皇冠仔...不過佢要成40 蚊, 個款又唔係咁o岩我...所以無加到, 最後自己出去旺角買, 25蚊攪掂.....我整左上去, 當唐靚晒, 不過條裙真係唔點整好..大家有無意見呀??? 我仲想加札花上去...有時間出去睇下先~~~~

我阿哥話佢似河馬呀!! 可惡!! 邊有河馬咁可愛架~~~!!

相愛6 年

11月22 日, 咁O岩又係星期日, 唔洗請假~~ 記得拍拖咁耐我地差唔多年年都有去旅行... 去左韓國,去左澳門 (都算係去旅行丫.哈), 去左日本,仲有去左泰國...之前每年o既11月中至11月尾都會放大假...不過轉左工之後就無lu~~ 一來無咁多假, 二來無咁多錢, 三來我今年已經"dum"低左佢自己去左旅行~~

今年我地無去邊...只係出左去睇戲, 行左陣, 影下相就返屋企煮野食, 雖然平淡, 但已夠滿足~~~ 我地相識已經唔記得左有幾多年lu~~~相愛6 年....話咁快就6 年lu~~ 下年就7 年...亦都係我地拍拖o既最後一年....之後既關係就唔同左....唔知到時會點呢? 你仲會唔會咁錫我呢? 仲會唔會因為小小野而黑面呢?? 哈哈哈哈哈~~~~~

我地由2003 年11 月22 日走埋一齊, 由2011 年1 月23 日開始我地走得更近.....我地o既紀念日都係由 123 組成~~~~咁橋呀!!!

我最好的朋友要走了.....

11月4 號我既好朋友要走啦....今晚去左送佢機....好唔捨得佢, 唔知佢會幾時返黎呢....我最怕係離別既感覺~~~喊到我死呢........時間過得好快..佢走左差唔多一個月了...
我覺得佢似去左旅行多D~ 又好似以前返工咁.見到佢ONLINE~間唔中同佢傾下計....我結婚無左你陪我去睇野...都唔知搵邊個陪我好啦....

不過我相信佢過到去....一定會好開心有幸福~~ 有個好老公錫佢~~可以做個少奶奶

SANDY~~ TAKE CARE, 我會掛住你!! 等你返黎飲我O個餐.....仲有記得我要做契媽呀!!!!!

唐餅@奇華

11月8 日

去開婚紗展...順便去埋買唐餅...我親戚都唔小...都唔知幾多先夠...會唔會多左d.. 又怕唔夠派...又唔想洗咁多錢....西餅同唐餅加埋都要過萬蚊...老豆, 媽咪同埋未來奶奶都話奇華好d~~~ 所以就買奇華啦

我買左
2 張 - 金御喜 (過大禮用)
2 張 - 金雅喜 (拎龍鳳對餅用)
60張 - 金盈喜 (過大禮 / 派比親友)

婚紗相-曼城印象

11月8 號去左婚紗展....決定左去邊到影婚紗相啦...睇左好耐...行左幾間心水公司...最後都係決定返大陸影.....去過3V 睇過佢價錢比較貴....同埋上網睇過..D 人話佢一半一半~~ 所以最後我地揀左"曼城印象", 價錢OK~又可以指定攝影師, 我上網睇過D 人讚飛哥,而飛哥又係老闆之一...我相信佢影相應該唔錯, 個SALES 話網上O個D 相多數都係飛哥影O既....好期待~~~~~

影180 張以上, 全數比返DVD

- 24 x 30 寸油畫
- 24寸水晶/板畫
- 10 寸水晶/板畫
- 7 寸水晶/板畫
- 18 寸相簿 (可以揀水晶面/皮面/雜誌面)
- 12 寸相簿 (可以揀水晶面/皮面/雜誌面)
- 12 寸相簿 (可以揀水晶面/皮面/雜誌面) <--婚紗展join 送既...

http://www.szmcyx.com/
有時間...大家去呢個網址睇下啦..

我心想影埋法國影ga...不過呂大人就唔多想...唔想洗咁多錢...因為一影又唔知比人屈幾多ga la~~~ 咁又係o既...影完呢度先算啦...可能影得好好呢.....

不過而家首要係減肥呀!!!!!! help!!!!!!

加拿大敍記@ 15 -24 SEP 2009

o係加拿大返黎已經個幾月....一直都無打過blog....一來係懶, 二來係我有時諗點打呢篇blog 我都有小小眼濕濕, 個鼻酸酸咁....

9 月15 日
雖然香港打8 號風球, 但係都順利起飛..係遲左45 mins 先起飛..飛左`15hrs 多d ...一落機見到細表妹黎接機, 我一見到細表妹我已經忍唔住喊....返到姑姐屋企, 姑姐放左好多相, 我見到衡姑d 相, 我忍住唔喊......因為時差...所以去到大家都累今日無出去了..

9月16日
朝早...姑丈比左衡姑d 相, 同埋veido 我地睇,佢又唱又跳, 真係好可愛...我真係唔覺得佢走左.....之後姑姐接左個電話, 話因為衡姑捐左個心, 同埋之前o係醫院雙手都插晒針o個d..個心口有傷口, 雙手又瘀晒.... 攪到條裙著唔到,一係要搵野遮住....姑姐聽到之後成個人都失晒暈咁.....之後我,表姐同姑姐去行下街, 睇下有無o岩o既衫, 之後買左對手套, 同埋諗住用d 絲巾咁遮下, 之後去左殯儀館o個度d 人都話唔得, 遮唔到....之後姑姐就返屋企打開衡姑個衣櫃, 睇下d 櫃桶....真係無一件衫可以遮到, 佢d o岩多數都係t-shirt 多.....其實衡姑又細到大都好喜歡皇冠,好喜歡扮公主, 所以佢而走左啦, 大家都想幫佢打扮成公主咁....到左夜晚細表妹返完學返黎....就話聽日出去買....

9 月17日
我, 表姐同細表妹出左去睇衫.....行左好多間都係得一間o岩心水....因為衡姑條裙係白色V 領,有d 金線....所以我地買左一件短身金色有小小企領既jacket ....買完就即刻返屋企, 比大家睇, 熨返直就拎去殯儀館.....之後我地幾表姐妹就去左飲野.....因為買到件合心水o既衫, 大家都鬆一口氣...返到屋企之後, 姑姐拎左份禮物比我, 佢話係8 月幾o既時間衡姑話係佢地兩姊妹送比我o既結婚禮物, 我一見到就喊到收唔到聲, 仲攬住我個細表妹...問佢我結婚返唔返黎....好多謝佢地, 呢條手鍊我好鍾意, 結婚o個時我一定帶住

9月18 日
今日係我既生日....我地幾表姐妹...出左去食lunch..食左個XL 既面,3 個人食一碗.. 不過食完要即刻返屋企, 因為今日可以見到衡姑, 我唔理咩生日唔可以見, 我一定要去...我仲要帶住佢地送比我o既手鍊...一去到...大家都忍唔住..不停咁喊....不過見到佢著左件jacket, 又真係幾好睇....我地真係無揀錯...我好想同衡姑講多謝...但係我喊到真係講唔到野....我好想同佢講...我終於黎左探你啦...不過可惜已經太遲啦

9 月19 日
我地一早去左教堂, 仲諗住尋日見到衡姑, 今日唔會喊得咁勁tim.....原來唔係ga...今日喊得仲激呀....全程不停咁喊..由見到佢, 儀式開始就喊....到左"丐"棺...o個一刻喊得仲激, 我對住衡姑講, 我唔覺得佢走左...我覺得佢仲o係度, 佢永遠都會o係我心入面, 永遠都係一個咁可愛, 咁多笑容既表妹....姑丈同我講..佢只係訓左覺, 我地第時會再見.....儀式完左...就送佢去火化.....睇住佢推入去火化....個心真係好唔捨得....我只有喊...真係唔知仲有咩可以做..... 衡姑生前有好多朋友...好多朋友都黎送佢最後一程.....表姐有幫衡姑影左相...我亦拎左copy..不過唔想令大家不安...我唔會放出黎....所有野攪掂後, 姑姐為大家準備左buffet....都有60 幾人....食返buffet 後去左supermarket 買野.....今晚都要食返餐好o既.....

9 月20日
今日去左尼加拉瓜大瀑布.....其實個個都無乜心情, 不過出去行人...我諗對大家都好d....自己揸車去, 分兩部車去...去o個程用左個幾兩個鐘, 返黎因為塞車...差唔多要3 個鐘..係Niagara Fall 食左間野係食pancake.. 呢個值得一讚好~好好食～～～去完瀑布我,細表妹, 表姐, 衡姑男朋友 4 個人去左食韓國野.....超好食....之後食飽返屋企, 等夜d 再出去食雪糕, 又係好好食ga......衡姑男朋友聽日就返日本...保重!!

9 月21 日
表姐同姑媽, 阿麻早d 走..聽日一早就走啦.. 所以我地夜晚出左去飲野.... 3 條女....大家都不停咁傾.....感覺好好....如果衡姑都o係度就好lu~~~

9 月22 日
表姐佢地走左....我地就去左down twon 行下... 去左唐人街行食左個lunch...食左個片皮鴨..幾好食...好食過香港....之後沿路行去Toronto Eaton Centre....入面名店多..d 野唔係好o岩行...之後就搭地下鐵返屋企lu~~~之後d 姑姐話想試下o個合韓國野....所以晚餐又去食多次..

9月23日
今日出左去飲茶, 行左一陣supermarket 就返屋企...執野...準備聽日走啦....今日如果接左衡姑返屋企...我走之前都仲可以同佢講再見....個心都安樂d.,..不過我地走晒之後, 得返我姑姐佢地幾個o係加拿大.....冷清清咁...真係擔心佢地...

9 月24 日
早上7 點就出發去機場.....咁就離開了.....返到香港已經係25 號o既中午了......

我諗加拿大唔係咁o岩我住...去邊到要楂車.....想買小小野都要揸車....哈哈,,可能我唔識揸車啦...同埋佢d Tax 好高......買咩都要tax....呢樣野...原來香港好好ga,,,,,唔怪得咁多人會返香港買咁多野返去啦..香港真係一個購物天堂呀

準備出發去加拿大

聽晚就出發去加拿大..去送我表妹既最後一程.....希望過程順利!!!!

前兩日...同o係加拿大o既細表妹msn ...諗住睇下有無野要o係香港買....點知...佢反而安慰返我.....叫我唔好咁傷心....仲話大表妹曾經都有 "a lot of fun with you" .....細表妹真係堅強....大過左好多.....

行李執得七七八八.....o個邊應該幾凍....香港成三十幾度...去到一下子得十幾度....都唔知夠唔夠衫....希望唔好打風啦....一打風就麻煩...分分鐘要o係機場等,,,

表妹走了....

今日早上九點幾...姑姐打黎...話表妹走了.....我即時一片空白....收線過後我的眼淚才不斷流出......原來人最傷心的一刻係喊唔出....我的腦海浮現出好多畫面....有同佢一起去遊輪旅行..同佢一間房,同佢一齊周圍行, 同佢一齊食飯, 同佢講d 八婆野, 講男仔.....佢傻笑o個個樣....佢講野o既聲音都一一浮現.....佢話過如果我地過去探佢...佢包食, 包住....但好可惜佢已經做唔到啦.....

今日下午去麻麻屋企....屋企個個都好傷心.....但表面扮無野....因為大家都唔想比麻麻知道....個個都好痛心......表妹今年應該大學畢業, 好一個小妹妹,咁就走左......真係無人會估到....如果真係比我知道會咁...佢上年返黎o既時候, 我同佢出多d 街...不過意外o既野無人會知道....所以真係要珍惜眼前人

佢媽咪(即係我姑姐)..打算將表妹個心臟 同視網膜捐出.....可以幫到其他人, 又可以將表妹繼續以另一個方式活下去

衡姑...希望你到另一個地方活得更快樂, 安息吧!! 我會想念你!!


今日我去左九展煌府開幕, 但係心情欠佳....遲d 先post 返...請見諒

願在加拿大的表妹平安無事!!

心情非常差....好不安....眼淚不斷的流......

o係加拿大o既表妹...o係屋企落地牢時跌到....入左醫院, 做完手術....但係情況仲係唔樂觀......家中上上下下都好唔開心, 好擔心....希望佢快d 醒返....

有個姑姐同表姐想飛過去睇佢...但係可惜無機位......要到九月廿幾先有位....不過佢地仍然努力咁搵機票.....

呢個表妹...平時係一個大笑姑婆...有o個句講o個句....成日都笑, 帶比人好多歡樂...我叫佢做"衡姑"..佢就會回應一句"婷姑"....大約7-8 年前佢地一家返去加拿大生活, 我地就好小聯繫....開頭都有email o既...但係慢慢就無....上年佢同佢細妹一齊返黎香港, 我都只係見過佢一次.....佢地兩姊妹中, 我同家姐都比較fd d.....當時我仲有買份禮物仔比佢地tim...而大o個個表妹上機前仲有打比我...叫我得閒過去..7 月o個時佢媽咪(即係我姑姐) o係加拿大返左黎...都帶左2份禮物比我...佢話係表妹揀ga.... 收o個一刻好開心ga...因為佢仲記得我呢表姐ma....雖然同佢咁耐無見, 但係感覺唔會疏離......

...我之前應承過佢會過去探佢, 但係一直都無去到...而家我唔想過去探佢....係因為佢有事.....

衡姑, 你快d 醒返啦, 你要加油呀!! 唔好咁易放棄呀!!!

鬆一口氣

睇到維尼pooh個BLOG.....見到個場, 個心都定D~~因為之前係買樓花, 你唔好話唔擔心......不過而家睇到D 相, 真係鬆一口氣..

大堂樓梯O既水晶燈好靚.....要o係o個度影多d 相先得.....我相信九展呢個場, 比起其他酒樓多好多地方影相...有靚靚水晶燈啦, 仲有空中花園啦...唔洗好似其他酒樓咁只係企o係backdrop 前面影相...咁死板~~

大家有興趣o既話, 可以去以下呢blog 睇下~~~

http://hk.myblog.yahoo.com/xc_vivian/article?mid=4663

期待9 月6 日正式開幕~~ 到時實地視察一番~~~

打針..打針?! 怕怕啦...

今日朝早去左打"子宮頸癌疫苗"既第二針.....痛到我丫...而家仲痛緊......第一針係醫生幫我打, 係有小小痛.....但係今日係個姑娘幫我打......真係好痛.....佢打o個下已經痛, 打完仲用力咁用綿花禁住.....再貼膠布.....到我上巴士返工o既時候...望下塊膠布....有血ga....平時打針邊會咁ga....係咪個姑娘手勢有問題呀?!

唉.....仲有最後一針......不好彩要出年一月先再打~~~ 希望唔係個姑娘幫我打就好啦....

我真係好怕打針.....我連望都唔敢望........

用咩花好呢?

花球我比較想用鮮花...但係價錢也相對地貴.....我對以下兩間有d 興趣, 一間係"agnes b" 另一間係"秋子", 大家有無訂過呢兩間呀??? d 花會唔會好快殘呀???

我問過agnes b...一個月前訂就得....所以唔洗咁趕, 同埋佢地話1月份牡丹唔係咁靚, 其實我仲未有idea 要用咩花, 大家有咩意見呀???

有無人識人o係agnes b 到做呀??? 因為會有員工價會平d ga~~~


agnes b web site:
http://www.agnesb-fleuriste.com/wedding_flower.html

秋子花藝web site:
http://www.lindafloral.com/shipping.php

倒水咁易

呢排洗錢洗得好勁...洗錢真係易, 儲錢就難...呢幾個月次次都要交幾千蚊card 數....真係唔得掂....

上個月先交左二千幾成三千蚊.....今個月仲勁六千幾成七千蚊呀

..洗左去邊?! ...有二千蚊係比酒樓hold 場o既....有三千幾蚊係打子宮頸癌針....仲有d 平時食飯買野.....你地話洗錢係咪好易啦......唉...下個月仲金.....諗起都怕怕啦

...


而家都未到洗錢高峰期...都已經咁啦.......如果到時點算呀?! 救命呀!! 真係要慳慳慳慳d 啦....錢呀...不要離我而去呀.....

睇場@大舞臺

前兩日睇完醫生, 同呂大人由西環行到去上環, 橫掂去開,梗係去埋大舞臺睇下啦, 大舞臺係我之前好鐘意O既一間酒樓, 我覺得佢好靚, 好浪漫咁, 之前去過,但係咁o岩有人擺酒, 所以無得睇....難得今日經過.....雖然我已經揀左酒樓, 但係都好想睇下呢個場~~~~

d 相係copy fm http://www.lifestylewedding.com.hk/venueinfo_tgs.php

一上到去棧水晶燈真係好靚.....個環境真係唔錯, 好靚.....不過佢個地板好花, 好似有d 殘舊咁....不過係咁先可以稱得上有咁多年歷史ar ma.....仲有新娘房真係唔得, 好似雜物房咁, 可能佢放晒d 野入去掛.....另外, 我最唔鍾意佢個toilet......最弊o既係.....個出口同去toilet 個門口係一齊o既...同一條路......真係no good 呀~~~

睇完個場後, 覺得好彩無揀呢度....不過講真, 如果只睇環境呢度真係唔錯o既選擇, 不過加埋其他因素呢度真係差小小啦......

頂唔順, 要去睇醫生

尋日放工都係死死氣地睇醫生....真係痕死我啦.....頂唔順....我屈服啦....貴d 就貴d 啦!!

呢個醫生係我未來奶奶介紹的, 佢既朋友睇過, 話幾好~~~ 希望真係啦.....

今日早左小小走, 呂大人過左黎同我一齊去, 因為要去"西環"...我真係唔識路, 我對西環真係一d都唔識....book 左6 點半, 但係我去到6:10 到....等左幾個人終於到我啦...一入到去見到個好滑稽o既醫生....平時睇d 醫生都係著恤衫西褲ga ma...我入到去,我呆左一呆.....見到呢個醫生竟然係著polo 恤, 呢個都唔係main point....main point 係佢著牛仔褲....仲要係短褲o既牛仔褲~~~你地話係咪攪笑啦,,,,

開頭未來奶奶話睇一次要700 蚊.... 嘩..要睇幾次都好赤下....不過原來係d 特效藥先會咁貴o者...本身診金加普通藥係340蚊...最後佢比左一隻特效藥我, 都係480 蚊....食足2 星期... 咁計返都唔係好貴o者....2 個星期後再去覆診

比左呢幾種藥我

呢3 支藥水係比我沖完涼, 由頸以下 每一吋地方都要搽, 連續搽3 日

第4日就搽呢隻藥膏,搽痕o既地方

早餐後食

一日食2 次

夜晚食, 呢隻藥食完個人會有小小wing wing 地.....

希望快d 好返....所有唔好o既野快d 走啦~~~

媽咪病倒了

媽咪病倒了

....上星期五媽咪開始面部, 咀附近開始有d 麻痺, 佢自己都驚識得去睇醫生, 佢都怕係中風o既先兆.....到左星期六我見佢左右眼眨眼唔協調, 我講如果第二日仲係咁我同你去急症啦....到左星期日, 佢仲嚴重左, 直頭有一隻眼眨唔到, 個咀都"咩"左小小,之後去返睇開個醫生到, 佢話係第7 條神經線發炎, 醫生就寫信叫媽咪去急症啦, 佢等了4 個幾鐘先有得睇, 睇完醫生話佢左邊神經線有問題, 比左d 肥仔丸佢食, 仲有比左眼藥水佢滴, 因為眨唔到眼隻眼會好乾, 叫佢訓覺拎野"com" 住訓.....醫生仲叫佢去做物理治療, 醫生話要幾個星期至幾個月先好返, 有8 成機會會好返......希望媽咪快d 好返, 我擔心左佢幾日.....攪到我呢幾晚都訓得唔好....

濕疹的煩惱

被濕疹折磨左差唔多2 個月, 真係好痕, 好辛苦,一熱o個陣仲慘, 痕到不得了...不停"R", 不停"R", 攪到愈來愈嚴重, 睇左醫生, 比左D類固醇我搽, 我又買左D無香料既淋浴露, 情況已經有所改善, 而家停左類固醇, 買左D 無香料既CREAM 搽, 不過始終有D痕...最慘O既係D 濕疹印.....真係唔見得人....大家有無去印O既方法, 可以搽D咩去印呀?? 今年我相信無得去游水lu~~ 我都唔敢去見人~~所以我真係要尋求一個去印o既方法!!!! 希望有人幫到我~~~

睇場@裝修中的九展煌府

2009 年 8 月2 日

前一晚吳剛師傅打比呂大人, 問去唔去睇一睇個裝修中o既場, 當然好啦, 望下都安心d ar ma...... 之後呂大人話叫埋未來奶奶去, ok la..一齊去睇下都好丫...

點知到左第二朝, 未來奶奶打比呂大人, 話個日子唔係好日.....大佬呀, 你之前o個幾日仲打去比人, 叫人幫你擇埋上頭, 出門時辰....而家又話日子唔好.....玩咩?! ...當然呂大人都唔想改, 拒絕了.....之後未來奶奶打比我啦.....同我講話 個日子唔好, 佢都想我地有個好日子架, 一生人一次....梗係要個好日子啦, 又話問下人可唔可以遲d先比訂, 如果唔得不如唔好要o個二千蚊, 如果你地真係鍾意o係九展擺咪揀返o個度囉, 揀過第二日啦~~ 我就諗住打完場話不如睇左個場先啦.....講左幾次, 睇左個場先再傾啦...一收左線....我已經忍唔住兩行眼淚, 我真係嬲, 但係又唔可以駁咀, 又唔可以對佢態度差, 見到佢又唔可以黑面....我可以做的只有攬住呂大人喊......不過發洩完個人都舒服晒~~~ 我唔係講佢壞話, 我亦唔係唔鍾意佢, 我o係度講只不過係想舒發下o者~~

講返睇場先, 比d相大家睇下

呢個係個台, 聽說個台中間可以伸縮, 到時新人好似d model 行catwalk 咁~~~不過我都係覺得個台細左d

以上幾張係空中花園o既相同短片, 我地諗住會o係度做見證, 不過好嘈, 唔知整好左會唔會好d 呢.....

新娘房, 我覺得好細囉....仲等我以為會好tim大...定係我諗多左?!

o係場中間影返過黎~

大堂樓梯

呢個位會掛大水晶燈

睇場後, 呂大人同左未來奶奶講唔想改日子, 未來奶奶無出聲, 我知道佢唔高興, 不過我真的喜歡123 呢個日子, 同埋我覺得你搵得人擇日子就要信人, 何必要令自己煩惱呢, 我諗個個師傅揀o既日子一定有出入, 咁信邊個先好呢?