尋找我們的結婚對介

同呂大人睇左好多間....睇左 4C, PN, 周生生, MA BELLE......等等...都無話有一對係特別鍾意....可能隻隻都太似介仔啦.....我本身鍾意粗身小小既...同埋好似間間差唔多款, 無乜特別.....不過最後比我搵到間幾O岩心水...可惜好貴囉....一隻18K 都要過萬蚊...

我就係睇中左 11 O個對.......大家覺得點呀??

我諗住O係公司做, 應該唔洗咁貴...我有幾粒公主方O係度...所以諗住中間O個粒圓石仔轉做公主方....之後旁邊就用我地個名...咁就成為我地獨一無二既介子啦.....哈哈哈!!!

不過仲有時間...可以再睇下先~ 唔洗咁快決定~

洋酒 + 紅酒

O係大年初一走去買酒.....搬到死死下.....

我之前O係去完加拿大返黎O係免稅店買左3 支 1L 既人頭馬VSOP...不過酒鋪話出面無 1L 買GA.. 得機場有, 出面O個D 都係700 ML ........咁無計都..為有買700ML 啦....之前O係機場買 410 蚊一支, 而家700 ML O係超級市場買 $288, 唔知係唔係新年, 買滿$488 仲有92 折..同埋佢有PACK 裝, 一支VSOP 加一支紅酒-$288, 92折之後即係264.96 一PACK, 好似好抵咁, 不過最抵係.............我地比錢O個時先知, 原來佢一PACK 送多2 支紅酒, 我地買左 7 PACK 即係送多14 支紅酒...(佢送O個應該係CHEAP 野, 不過送既...都OK 啦) ....計埋本身自己買O個7 PACK, 我地拎左 28 支酒返屋企.......勁重!!

好似早左好多買定咁,....不過新年買酒好似真係抵D...起碼有野送同埋有折丫~~

而家TOTAL 有10 支VSOP...應該夠啦....我諗唔多人飲既...加埋D 紅酒, 連埋酒樓包O個D ...應該唔洗再買酒啦~~~

恭喜發財

恭喜發財, 祝大家心想事成, 身體健康, 青春常駐, 萬事如意, 龍馬精神, 一本萬利, 福星高照, 財源滾滾, 虎年順順利利, 開開心心~~~恭喜恭喜!!!

今年係我最後一年逗利是啦, 各位結左婚既朋友... 識做啦....wahahaha

睇衫記@2010年2 月8 日

2 月8 日....今日終於去左睇衫啦, 多謝 Laura & Sonia!!

只係去了2 間, 一個係"紫水晶" 另一間係"溫馨", 最後我都係未JOIN, 因為諗住影完相先再去睇, 今次起碼令到我自己有一點頭緒, 影相可以知道揀咩衫....

先講紫水晶, 我試左好多件, 應該超過十件, 有2 件婚紗我係覺得OK 的, 同埋有一條令我有 "叮" 一聲, 就咁睇都覺得好靚, 試埋上身真係不得了....哈哈.....好鍾意, 如果係我一定揀呢條....而家仲令我念念不忘, 不過係咩款, 唔講比大家知住, 保持神秘~~ 哈哈

溫馨我開頭話比我免費試3 件, 但係我最後試左6 件加一套掛, 即係7 件....哈哈....開頭試O個D 真係唔係咁好睇...最後試O個幾套就唔錯.... 睇落好似瘦D...., 其實佢有好多衫, 我諗唔會揀唔到

而家都有D 心大心細, 我又好鍾意令我"叮" 一聲O個件WOR...但係婚紗溫馨又真係好似O岩D.... 唔通要分開兩間租?! 再諗下先~~