出發去影相

 聽日放工就出發上大陸揀衫啦..... 希望揀到靚衫啦~~~~好緊張, 既擔心, 又期待呀!!! 求下個天唔好落雨呀, 因為今日冰宇(即係曼城印象個客戶服務) 講... 今日有個客因為落雨要改期呀...聽到都幾擔心.....

我執左成晚野....應無帶齊啦掛.....衫啦, 鞋啦, 公仔啦, 相機啦, 電話CARD啦, 錢啦, 單啦, 證件啦,..........仲有咩呢....死啦...好擔心帶漏野呀~~~~~~~~~~~~~~

好啦... 返黎見啦~~~ 希望有靚相比你地睇啦~~~

第二次整甲

尋晚出左去整指甲, 準備星期日影相.....比大家睇下整得好唔好......咁大個女都係第二次整咋...哈哈哈

影相的日子快到了...

好緊張呀....今個星期日就影相啦.....心情真係好緊張呀.....希望唔好落雨啦, 求上天保佑

咁大個女第一次影婚紗相.....擔心影得唔好....唉

.....不過又好期待!!!!

肥又未減到....皮膚又唔好, 做左咁耐FACIAL 都仲係咁....都唔知點攪好.....
不過為呢次影相, 我睇左好多野......又買書睇, 上網又睇.....睇下有咩衫好, 有咩頭好, 有咩頭飾好...而家仲諗緊買唔買花好.....不過多數都買GA LA, 係睇下自己買定係叫佢地訂O者.....我真係想問下, 返大陸帶唔帶得花過關GA????

我仲為呂大人整左兩個襟花去影相, 不過唔比大家睇住, 影完相先~~嘩哈哈哈哈！！