2010 年CK 鼠公仔

好開心...CK 鼠出左隻新公仔....三百幾蚊...雖然係貴左D...但係我都忍唔住買左呢...哈哈哈.... 你地睇下..係咪好可愛呢?!

煌府BBQ

煌府攪活動...今次係BBQ~ 可以O係九展到燒, 又可以睇下個場啦.....

今次活動好開心, 仲識左幾對新朋友, 大家都傾得好開心~~原來大家都好早準備...而家就仲有好多野未攪.....真係要努力!!!!!!

水晶燈真係好靚呀~~ 到時我一定要影多D 相呀!!!!!

新年利是@2010

之前有好多BLOG 想打, 因為忙同埋懶, 而家慢慢補返先...

今年新年係我最後一年逗利是, 出年到我派啦~~ 今年收穫比上年少, 不過都OK 既...

試妝 @ GABY (煌府)

O係1 月時已經試左....因為之前未試過, 自己又好小化妝....見佢又平平地, 加上上次煌府食飯抽左張COUPON... 諗住試下~~試左之後覺得唔係咁O岩我, 朋友們都係咁覺得~~~ 感謝DORIS, GRACE, FIONA, 呂大人, 仲有WINNIE (大住肚都黎陪我, 真係好開心同埋感謝), 大家為左陪我都坐左好耐~~ 多謝晒!!

比D　相大家睇下先啦, 呂大人話都OK 丫, 個個化妝都差唔多架啦~~ 所以試妝都係搵女仔陪好D~~ 哈哈哈哈..

D 粉好似唔係好貼咁.....不過我D皮膚又真係差既。。希望到時會好D

睇唔慣自己D 眼睫毛咁長......

唔太喜歡....好似好亂咁..我比較喜歡整齊小小既.......

 

試妝 @ Ling Fok

已confirm 了Ling Fok....我表姐介紹的....價錢唔算平...不過又未去到好貴O個D...因為唔想再周圍搵, 周圍試, 因為試一次妝都要 400- 500 蚊, 如果試多幾個..不如搵個貴小小, 而又可靠小小啦.....LING 化妝都幾細心, 唔覺佢用遮瑕膏都可以遮到我D 瘡瘡印.....同埋眼睫毛佢係一小執一小執咁痴上去, 好有心機...效果唔錯....不過佢最衰係唔包頭飾, 所以我租衫一定要搵D 包埋頭飾既黎租.....另外佢唔包媽咪, 奶奶同伴娘, 要加多1200 蚊...

屋企裝修

好耐無打過blog 了.....因為公司又忙, 屋企又忙....因為屋企裝修, 前o個排一放工就返去pack 野, 執野, 搬野, dum 野, 執到十一二點先去沖涼.....而家我暫住o係我麻麻屋企...返工超方便, 唔洗半個鐘.....

比大家睇下裝修既進度.... 好期待完工的一天

廁所, 廚房, 露台, 媽咪房的牆都全部拆晒....

廚房....

拆晒野既廚房....好似好細咁...平時都唔覺ga

我房的窗....已經搭棚準備換鉻窗

廁所已經砌好, 大過以前~~