男禮@mode

攪掂多一樣野lu~~ 就係呂大人既男禮, 雖然呂大人無乜特別要求, 但係我都想佢o係big day o個日靚仔d, 型仔d 架ma....所以我用左好多咀舌先可以叫到佢去睇衫, 佢一直覺得唔洗用咁多錢去租衫, 因為我租晚裝既地方都會有得租仲要係平d tim, 一生人一次, 比多小小都值得既!!!!! 最後從blog友到發現左一間叫"mode"既, 專for 男禮, 上網search 過好多人都讚, 所以今日專登去睇, 我地無做booking, 只係walkin 去, 因為怕呂大人去度見到唔鐘意....會即刻走同黑面, 哈哈......男人都係麻煩......好好彩佢無d 咁既情況, 上度去睇下d 相簿, 開頭未去之前呂大人好抗拒tuxedo, 話死都唔著, 又話唔好睇.....去到睇睇下相簿佢又好似有d 改觀wor.....

因為我地未做appointment, 其實無得試架, 不過個sales 好好人, 可以比我地試, 佢地既service 真係好好, 唔會話因為過左8:30 pm 趕住收工, 求其了事, 呢個真係值得讚, 佢咁好service 真係唔join 唔得啦...哈哈....

第一套比左黑色日式比呂大人試...真係好fit...好型...呂大人一著左上去個咀都開始微笑...哈哈哈....之後試左黑色英式, 呢套仲好睇, 真係very good~~~試完呢套之後我自己個心都已經諗住會join, 不過都要睇下呂大人既..... 最後試埋白色, 呢套無黑色咁型, 不過無理由2 套都係黑色架.....所以最後我地都揀左一黑一白, 走左之後見到呂大人個樣都好開心.....都好, 起碼無揀錯, 多小小錢真係值既!!!

各位, 提下大家, 如果o係婚期前半年都租有 9 折, 如果大家真係有興趣o既早小小去睇下啦...

我已經做左vip, 介紹人去租..大家都有得平 $ 100, 如果有需要就搵我啦~~

http://www.modetuxedo.com/

揀左似下面呢兩個款.....

婚紗相@花絮

得返一盒既即影即有...影得太小了....一來無時間影...二來唔見左盒....比住d大家睇下先啦～～～～

婚紗相@準備篇

哈哈.....一直都好想打幾篇blog..但係因為太懶了....直到今日先打...

為左影相, 我都準備左好多野....整左指甲, 染左頭髮, 買左個脫毛器, 整左兩個襟花, 1我同呂大人都各自買左對白色鞋.......但係我對白色鞋最後都係無著過...我仲帶左對ck 鼠公仔去影相, 仲有我姑姐好好....幫我一早去花墟買花, 比我去影相, 真係好感激佢!!!! 我仲問左人借個即影即有相機, 買左2 盒菲林, 點知唔見左盒 激死我啦..

呢個襟花, 其實我唔係咁鍾意...不過有用到佢.....

呢個反而無用......因為揀d 衫唔係好襯...為有等big day 睇下有無機會用啦

多謝同事幫忙問朋友借, 真係麻煩晒~~~

婚紗禮帽初班- 第五堂

已經上了一半了.....時間過得好快....雖然多功課, 每次都要整幾個鐘..不過的確又真係幾好玩~~~

我的紅色頭花已經做好...不過未比miss 睇...好似整得唔好...好密咁.....

金色的~~~

婚紗禮帽初班- 第四堂

因為miss借左我 d 珠仔做示範, 所以我返到屋企無得整, 不過都好....因為miss 整得靚好多~~~ 我的第一個頭飾 完成!!!!

白色頭花.....我好喜歡, 不過唔知到時用唔用得著呢....

整完白色頭花, 開始整紅色的....以紅色同金色為主

我們的龍鳳被

之前見一田做減價..就去左買, 之前無去其他地方格過價, 咁就買左啦.....有似有D 衝動....我見出面有好多過千蚊, 我真係唔捨得買....因為真係用一次, 所以都係買平D 既...
呢套 $ 599, 價錢都OK, 不過都係貴左D....同埋佢無"龍"同"鳳", 只有"囍"字... 其實我比較喜歡有龍同鳳....不過價錢關係, 而家都OK 丫.....返到屋企, 阿媽堅持比返錢我地, 佢話呢D 係嫁妝, 係佢比錢架.....

婚紗禮帽初班- 第三堂

已經上左3 堂了... 我覺得幾好玩...... 雖然成日要做功課..一做又要做幾個鐘, 不過見到有製成品又好有滿足感~~~

炒定D珠仔準備整花～～

完成了...

準備整手花, 材料如下:

製成品~~

帶上手都唔錯, 第時考慮下整黎做姊妹手花先~~