我們的花車

上星期日, 我同呂大人去左婚紗展....今次去為左租車

我唔會租Benz, 因為屋企人有, 如果係要可以問屋企人借, 之前都諗住租煌府架rolls royce...不過最後都係決定揀架自己中意既,,,, O係我讀書O個時已經好中意MINI 架啦...比人話我有benz 唔坐, 要坐架車仔.....一生人一次梗係揀自己中意架啦!!!!

我同呂大人o係"AVIS" 租左架紅色mini..自駕(到時搵兄弟幫手). 好彩呂大人多口問一問..原來asia miles 會員有折呀...咁o岩我又有wor~~ so good!!!

另外我地租埋28 人van, 我地揀左銀禧, 雖然佢唔係最平, 但係佢地有50 幾架van 仔, 我地諗應該無問題啦.....咁大間公司, 最緊要穩陣.....唔好o係bigday 當日有咩問題出現咁就得啦!!

當日攝影@世紀婚禮

** CFM 左一段日子, 不過無時間打BLOG, 而家先打返 **

我地諗住搵 2攝1 錄, 所以去金都睇下

睇過Amazing Grace, Grace 已經無期, 佢地介紹左其他攝影師比我地,不過我同呂大人覺得麻麻....睇左幾張之後就真係覺得唔掂, 可能唔係我地杯茶啦....睇左幾個攝影師都唔係咁得....所以即走~~

我表姐介紹"世紀婚禮", 兩個表姐都用過...佢地話OK~ 所以我地就去睇下, 睇左佢地D相,我地都幾喜歡~ 同埋咁O岩有個客O係度(已經結左紗, 去拎相) 佢都讚不絕口, 唔會做媒掛...哈哈...之前上網都唔係好見D 人提佢地, 不過都無乜BAD COMMENT....佢地一年先會擺一次EXPO....所以我地就CONFIRM 左世紀婚禮啦

攪掂多一樣緊要野!! 真係安心晒!! 因為當日攝影都好緊要, 希望我地無揀錯啦!!!

忙碌中送給自己的禮物

呢排做野太忙, 太辛苦啦...都應該買返小小野比自己, tum 下自己...所以我買左個袋.....

我去睇銀包, 呂大人又肯買比我wor..雖然唔係咩貴野, 但係都好開心.....因為我地而家應該要save錢為首要..所以都係唔好再亂買野啦...

婚紗晚裝@溫馨

之前又係去過....佢地D服務都好好。。。。我之前去運吉佢地都好好態度，真係值得一讚

今次再上去, 佢又SHOW D 婚紗比我睇...佢地D婚紗真係有好多款..好多唔同類型...係因為咁我先去揀佢地....因為幾年前有個舊同事都係呢度租, 而我個好朋友都係...雖佢地唔會擺EXPO, 但係次次都好多人....就算閒日都會有人試衫, 唔擺EXPO 佢地都已經夠做了...哈哈,,,,

有個叫ANNIE 既 (應該係DESIGNER) , 上次上去佢已經幫我搵D O岩我既衫, 今次上去...佢竟然仲記得我....今次佢都有幫我手搵D 衫, 佢揀O個D 真係幾O岩我心水架, 最後Confirm 左o個件婚紗,佢話係佢design 架...之後佢揀左d 晚裝比我, 佢揀o個d , 比起d 女仔揀既好好多, 女仔揀o個d 款唔係咁o岩我....

我比較中意d 特別d 既晚裝....因為我已經o係紫水晶到揀左2 件晚裝, 所以o係呢度只係揀多一件就夠啦, 去之前心目中已經係想揀紫色/綠色, 因為我已經有紅色同黃色, 同埋藍色,金色, 黑色同粉紅色我都唔會揀.....所以我好似無咩選擇了...

我諗住揀for 送客用....試左 A-LINE ..試左上身都ok.....不過好似簡單左d.....所以無揀到, 試左條紫色既..都好睇架, 不過好似出面都有呢d 款, 所以最後我揀左條好特別既綠色~~

婚紗 - 小拖尾 (著上身瘦!! 同埋有我中意既通花lace 拖尾)
深綠色 - for 送客

我o係溫馨又係join 左 3 件既package...比起紫水晶貴, 不過佢d 婚紗真係多, .....仲有一件係for 伴娘, 伴娘的是粉紅色, 本來佢想揀綠色架, 因為佢中意綠色, 不過我又揀左綠色, 而粉紅色佢又著得幾好靚......希望佢真係中意啦, 唔係我逼佢揀....我都想佢著得靚架~!

婚紗晚裝@紫水晶

終於confirm 左啦...哈哈...

之前去過一次.....因為佢有一件令我叮一聲既衫....但係其他衫我之前唔係幾o岩....所以今次再去....去之前都怕我中意o個件比人hold 左架...不過好好彩....仲有期....

當晚我試左好多件....婚紗同晚裝....不過都無令我有好中意既感覺......只有兩件我真係喜歡既...所以我只係join 左佢3件o個個packages....另外一件睇下媽咪或者奶奶啦....

我最後揀左o個兩件係點...我唔比相大家睇住...保持神秘咁...哈哈哈哈.....講租左咩色啦...

紅色 - for 迎賓 (好奇怪呢....人地用紅色黎敬酒,我就用黎迎賓.....哈哈, 因為佢係拖尾, 唔係咁方便敬酒..不過我又非常之咁中意呢條裙......所以無計...哈哈哈

黃色 - for 敬酒 (香蕉色~~ 我就係中意d 咁特別既顏色~~)

紫水晶d package 唔貴, 可惜我揀唔到其他, 所以要分開租了.......多謝個舊同事介紹....因為佢同佢地熟我仲可以有多小小優惠~~

Sonia, Laura & Fiona, 多謝你地陪我去睇衫, 攪到你地咁夜先食飯...Thanks thanks thanks!!!!

褂@永隆

好耐無打BLOG 啦...........

褂其實已經租左一段時間, 不過一直未有時間UPDATE....

O個日約埋媽咪出旺角睇下D 褂....

個心其實想去美華, 不過D 人話佢執左....我都唔係好信...都係行去睇下..點知...真係無左

第一間去了錦發...佢D 褂好新....我試左幾件, 問一問中五福既價錢, 佢開我一千二百幾....實在貴左D, 同埋我地第一間睇, 都未睇其他, 所以走左...當時佢地個樣有D 唔高興囉.....雖然我係運吉O者

之後去左永隆....佢比左幾套我試....我未話CFM 租, 佢都比我影相WOR....

我試左件褂皇, 佢比我試而又比我影相WOR...梗係著下架啦...哈哈!
不過著左上身...真係麻麻...好肥, 又老, 仲要成個機械人咁..

我仲試左件小五福, 不過覺得唔夠金線, 所以無揀到, 不過係後生D ....

最後揀左D比中五福多小小金線。但係又未去到大五福。就係呢件啦, 雖然無錦發O個件咁新....但個價錢OK 啦..

最後呂大人都試下.....著起黎好好笑....不過又OK..唔貴, 所以諗下租唔租埋好...

本來已經除左件褂架啦, 不過佢地好好人咁..叫我地一齊影張合照....

最後咁就租左啦.....連冠南華都無去睇, 原來媽咪以前都係O係冠南華租掛架....不過我知道冠南華係最貴....所以無去到睇了......

攪掂多一樣野~~個心又安心多一點點~~