之前講過話覆診前一星期去抽血, 所以我地8 :40AM 已經去到攞飛等抽血.....等左一個鐘頭多D 就到我了......因為約左十點上病房, 有時間快食一個早先....拿拿林食完就上去.....
上到病房D 姑娘好休閒咁. 可能度呢D 唔係急症......上左去先知要去新大樓登記入院,好彩有呂大人陪我, 所以就交左比佢去啦...... 我就換褲....咁大個女第一次著病人衫, 之後就探熱, 量血壓, 我同姑娘講我O岩O岩抽完血, 可唔可以用另一隻手量呀..... ....
姑娘:你做咩去抽血呀? 你上黎呢到抽咪得囉., 你抽左幾多呀?
我:一支囉....之前話要一星期前去抽架MA....
姑娘: 你一陣要再抽呀
我: 下......又要拮多針
(我心諗早D 講丫, 我唔O係坐O係留下成個鐘..... )
佢話醫生未黎, 之後一直等....等到11 點, 我再問d 姑娘醫生大約幾時黎呀...佢話應該差唔多, 平時十點幾就到架啦... 問完之後無幾耐就見到上次O個個後生醫生了....見到佢我個心開始驚啦.......醫生再講下個過程, 同埋簽埋同意書就開始啦.....
首先叫我扒O係度.,,,我一直握緊個權頭...之後就打麻醉針....打針都幾痛架....不過都忍受到的....唔知係咪D 麻醉藥未發作呢. 佢界落黎O個下都有小小痛....
全個過程我係睇唔到, 不過FEEL 到....... 佢應該好用力咁插支好長既針入去.....入到最入O個真係痛...我叫左出聲, 之後開始抽O個時...有D 好脾好脾好脾既感覺,係知道有野抽緊出黎..... 有幾下係FEEL 到痛架.... 我都忍唔住嗌左幾聲.....最後要抽支骨仔出黎...呢下真係痛........會聽到D 格格聲...
完成左之後我終於忍唔住喊左出黎, 我都唔知點解我會抽完先喊, 可能真係太驚啦...呂大人問我做咩喊, 問我係咪好痛....我都唔識答......再睇下隻手, 有D 指甲痕O係度, 因為我一直都握緊個權頭......
完成左之後要壓住個傷口2 個鐘, 係要訓直個人...平時我係一隻蝦米, 要我訓直都幾辛苦.....訓左一個鐘我已經開始想郁啦/...好彩O個個時間派飯, 姑娘比我坐直食飯, 坐直個人舒服好多, 不過D 野食...好難食, 我只係食左D 津白, 魚柳好咸..... 因為呂大人只可以放到上午, 所以佢幫我比埋錢點幾就走左啦...
等到2 點幾, 姑娘幫我換塊透明膠布, 如果等多一陣無血就走得....點知我仲血, 要上床壓多陣.... 過左半個鐘如娘又黎...都仲係有血..... 又要再壓多陣....最後要差唔多4 點先走得......
自己一個走,行要慢慢, 上的士又要慢慢.... O係的士到D 路有小小"鄧"個傷口都有D 痛.....感覺好孤單呢....
返到去真係唔想郁, 一郁個傷口就會痛, 上床又要慢慢, 坐O係SOFA 都難起身呀....好彩第二日已經返D, 第三日可以返工, 到左今日成個人都靈活返好多啦~~~~可以行返快D 啦~~~
