當日的花球

我的花球.....大愛呀!!! 真係十分喜歡!!! D 花返到屋企都可以放到好耐....有朵當日未開既牡丹, 可以放到我去完HONEYMOON 返黎....

我揀左紅色大牡丹+白色蕙蘭, 屋企人就係粉紅色蕙蘭.....我已忘記加左幾錢...好似300-400 蚊左右.....因為我無要到兄弟姊妹手花/襟花, 要左6 個屋企人用襟花, 2 個新郎襟花....佢仲送左好多碎花比我SET 頭用....我個化妝都話比咁多, 真係好好....所以我覺得無揀錯....比十個叻自己....哈哈

結婚介子

我們的結婚介子, 完成品~~~

結婚公仔 - 完成品

哈哈....一直無UPDATE 過結婚野....而家得閒打返d 先.......


結婚公仔 -- 完成後有點高....不過我都好滿意....感謝LAURA 幫手整條裙.....好靚呀.....同埋亦要多謝WINNIE 幫手同我一齊整個花籃, 等佢地坐得舒舒服服!!

正式放上車頭.....真係好高.....

感謝兄弟們想盡方法固定公仔, 非常穩陣!!
呂先生最鍾意咬人個鼻....激死!

自己整埋車門花....我都幾滿意架....哈哈

他們幫我地手迎賓呀...辛苦晒...

2012 年的一半(1)

2012 年差不多已經過左一半了....回想返好似好快咁...但當時我係覺得時間過得好慢好慢.......

今年好似有好多事發生....有開心的, 有擔心的, 有喜悅的, 有失落的, 更加有傷心的...........

開心的係身邊既朋友結婚了, 懷孕了, 生了小朋友.......真係替大家開心......不過唔開心的事總比開心的事來得多

第一件唔開心既事就係老爺入院了, 開頭見到奶奶一面愁容, 慢慢老爺的腳開始有好轉.... 先有返小小笑容......雖然老爺已經出院, 但康復仍要一段長時間!

另一件唔開心的事....就係我好朋友的媽媽有事, 入了院, 她還專登從外國回來看她的媽媽......雖然已出院, 但係聽到呢個消息我都忍唔住喊左......可能是我太過眼淺了..她媽媽好好,非常好客, 又成日煮好野比我地食.. 另一方面有開心的地方係....好朋友帶埋佢個仔回來,我終於可以抱抱他啦.... 我已經期待已久....自己的好姊妹的BB, 可愛又精靈....我會錫晒佢架...哈哈哈哈...

仲有就係...........我舊公司的老闆離開了, 唔係老闆...係DEPARTMENT 阿HEAD, 我地個個私底下都叫佢做爸爸...佢係知道我地咁叫佢........, 數一數都差唔多有10 年前了.....當時我初初出黎做野, 佢成日當我係小妹妹, 好多謝佢比咁多機會我, 由一張白紙慢慢教我, 見工時仲要同我講唔識唔緊要, 邊個一出黎就識做....我到而家都對佢印象好深呢.....果日個舊同事話我知佢走左, 同舊同事在MSN 講返以前既往事, 我都忍唔住O係公司喊左出黎.....舊同事話"大家都當了他是爸爸了"
呢個爸爸以前會摸下我個頭, 當我小妹妹看待... 每次有同事請食TEA, 佢都會睇雲晒D 同事食咩先, 左揀右揀, 最後都係叫杯凍檸茶少甜, 仲要成日加多句, 做咩"人地出豉酒, 你出雞" 呢句話我已經聽左好多次......佢講既英文唔好聽, 不過佢既英文係好既, 佢寫既EMAIL 又會好值得學習.....佢自己無小朋友, 但知道佢係好鍾意小朋友的, 因為佢好鍚佢既姨甥仔,姨甥女....姨甥女一打電話比佢, 佢打聲即刻變得溫柔晒, 仲記得有次姨甥女打黎問功課, 爸爸即刻O係房出黎搵救兵, 問我地....真係好笑.....又有一次, 公司活動好似係BBQ, 佢帶埋姨甥仔姨甥女去, 我地放工O係公司出發, 我坐爸爸車出去, 爸爸叫姨甥女同姐姐(即係我) 傾下計,點知爸爸老婆即刻話唔好傾呀, 嘈住揸車呀(因為果時好似買左架車唔係好耐), 之後我都唔係好敢O係車到講野啦... .....而家諗返佢忟憎, 唔耐煩個樣又好好笑, 佢又坐得衰, 成個人訓O係張櫈到, 好似凸起個肚腩咁, 呢D 事都好似無幾耐之前咁, 但係原來我有差唔多3 年無見過佢啦, 知道佢身體有事, 但一直都唔太知係咩情況, 有時想問下, 又好似唔係咁好, 大家亦未必願講........只係知道前O個排佢入左療養院, 點知最近再有佢既消息已經係走左了........心裡很難過, 心裡有好多往事, 而家已經變成回憶了.......請好好安息, 我們的爸爸 ----- Freeman


仲有一件另我身心都十分痛既事.......等我心情好D 先再打, 請待續......................

老爺出院了

老爺住左個半月醫院, 今日終於出院啦.....雖然仲打緊石膏, 仲要一段長時間先好返...不過可以返屋企, 個人都舒服D, 安樂D!!! 希望佢快D 好返啦!!!!!

老爺入院了......

O係我地出發前既一日, 老爺做野既時候整到隻腳, 仲要幾嚴重....要做幾次手術....同埋應該要好長時間先可以康復..攪到我地去旅行都玩得唔係幾安樂......不過我無乜同人提過, 又無O係FB 講過, 見個個都O係FB 到寫, 我唔講唔代表我唔擔心, 而係我唔想人地問咩事...始終都要諗下奶奶佢地既感受..我怕佢地唔想比咁多人知...

去到韓國, 每晚返到酒店, 我都提我老公打返去問下情況...叫佢同奶奶傾下計,因為知道奶奶佢好擔心, 好唔開心......


眨下眼就過左2 星期, 老爺既情況好返D, 不過都仲O係醫院, 未落得床.......不過見我奶奶有返D 笑容都好D...... 但日日都去醫院, 唔累就假啦, 希望佢好好休息

希望老爺快d 好返!! 加油!!!

韓國自由行

在衝忙既準備下.....韓國之旅即將出發啦....... 今次決定去旅行都好趕下....我本來想去日本架....不過經各方面既考慮後, 最後都係決定去韓國.....

本身我地兩個對韓國一d 概念都無....連有咩行, 有咩食, 有咩買都唔知....不過買左書仔, 又上網睇多左資料..總算有D 頭緒, 不過我們都係PLAN 實行程, 只係打算食下, 行下, 買下野咁.......同老公一齊睇行程都好開心.....我地好耐無兩個自由行啦.....希望旅程順利啦~~~~

黎緊幾日韓國天氣都好似OK.....因為之前睇落雨架~~~~~



韓國, 我今晚就出發黎探你啦~~~~~ 你等我呀!!!!

胃痛.....

近呢一兩年身體好似差左....病多左.....都唔知點解...唔通年幾大, 機械壞.....

尋日又黎料, 個胃又痛....又痾...真係喳斗!!

個胃陰下陰下咁痛, 半夜痛醒左.....第二日早上去左睇醫生, 醫生問我咩病, 我話胃痛.....醫生都話你又胃痛.....因為我近幾次去親睇都係睇腸胃...

平時食左藥會唔痛, 但今次食左藥都一陣陣咁痛.....

胃呀胃, 你要乖呀......知唔知呀,...我下星期仲要去旅行架