代茶@37W

2014年12 月21 日@ 37W4D

今日終於的起心肝整炒米茶啦,,,,哈, 成日話整, 黎到37周先整....慢火炒都要炒幾耐下....坐係到慢慢炒, 分左2 次整, 第二次老公幫我手炒, 我就出返去休息....

原來炒埋都唔係好多....我整左幾日既茶包, 都無左大半了, 應該要再整啦....要去買米~~~

睇戲 @ 37W

2014年 12 月21 日 @ 37W4D

相信有排都同唔到老公入戲院了...所以最後衝剌, 睇埋最後一次啦...

今日去觀塘做節, 所以去APM 到睇, 睇6:10, 睇完差唔多8:00, 影一陣相再去過去就差唔多了...

再POST D 近照...BB 就快出世啦, 呢個大肚腩好快會消失, 好唔捨得, 但又好想快D 見到BB...

檢查@37W

2014 年 12 月19 日@ 37W2D

今日放工早小小小走, 去浸會檢查...約左5 點, 我去到已經5:10了, 但去到都無得即刻睇, 等到5:45 左右先有得睇...

醫生問左小小病曆, 就開始照, 開頭只係照下心跳, 同埋我問佢左邊成日頂住係咩黎......佢就只係照咁多....連SIZE 都唔度.....我就緊係問佢啦....佢先幫我度....BB 有大約3 KG 有6 磅幾了....咁都幾好....醫生話呢個重量出世都好夠啦...

 我同老公講點解阿仔對腳咁短架........希望佢唔係矮仔啦...

今日恥骨仲痛左...唔知係咪今早行得快左....所以痛左.....比之前痛左好多.....之前行都無痛, 但今日連行都痛呀.....救命呀!! 我連上床都唔敢, 因為一郁就痛....臨訓前終於忍唔住.....喊左出黎...唔知要痛到幾時......恥骨又痛, 濕疹又痕, 每晚4 點幾5 點就醒一醒要去TOILET, 訓訓轉身又要就住個肚, 所以轉一下身就醒一醒....

返多3 日就放產假啦, 希望到時可以好好休息下啦....BB, 你要同媽咪一齊加油呀!!!!

政府產檢+近照@ 36W

2014年12月12日 @ 36W2D

今日去左威爾斯檢查, 今日得我自己一個人去..老公叫我坐的士...唔好行果條樓梯上去坐巴士, 而家都唔請強啦....因為恥骨痛...點知等左10 分鐘都未有一架的士...前面仲有一個人等緊...一見到有282, 即刻行去上車, 去秦石坐的士, 去到都要遲左5 分鐘

每次去到都好緊張, 可能好擔心BB 健康啦...我去到已經坐左陣先去量血壓, 但都係高, 但前兩日去血科覆診時血壓都正常架...唉...

量完第一次, 聽到有人叫我名, 以為咁快到TIM...原來係中大唔知咩甲狀線研究, 問我會唔會做? 如果有問題會一星期內話返你知....會幫媽媽抽4 支血, 留小便, 做問卷,再到生既時侯抽臍帶血同埋胎盤驗....抽完血做埋問卷, 我就再去量多次血壓...都係高....唉...唔好又要我留院呀..

等左陣就聽到叫名了....入到去又係上次果個高級醫生...原來佢係譚教授, 佢幫我摸下肚, 度下個肚有幾高, 聽下BB 心跳, 佢好好, 我有問佢都必答, 我問佢BB 成日都係郁右邊多, 佢又幫我摸下個肚, 話BB 個背脊來..我話我恥骨痛, 佢又會解釋我知點解, 又問我洗唔洗整個類似腰封既野COOL 住, 但整得來都要個幾星期, 我都就生了...所以我話唔洗

我本來想問下佢幾時驗B 鏈, 點知我都未問, 佢已經主動話驗了, 驗完我就問埋佢腳既濕疹, 佢話如果生之前無, 生完就會無...如果係就好了.我唯有忍埋呢幾個星期啦, 希望阿仔唔會有濕疹啦.....真係好辛苦, 好痕, 半夜會痕醒..

檢查完坐低同醫生傾下病曆, 佢見我成日黎到都血壓高, 但係屋企又無事, 佢話下次黎到唔洗量啦, 佢話見到呢張紙咁高血壓一定要收入院, 但係屋企要KEEP 住量, 佢話係個環境影響..., .哈哈哈..我心諗醫生你真係好啦...

之後佢又問我血科果邊睇成點, 我話血科要我打針打到生就停, 跟住醫生諗諗下又話應該打多4-6 星期先好停, 但明明上次佢又話睇下會唔會早D 停針既....玩我咩...
不過佢解釋返我知, 話其實生完4-6 星期都係高危期, 會易塞血管, 所以都建意我繼續打...之後佢打埋比血科既主管, 佢地傾完都話一致都覺得我要打多4-6W, 我都接受了, 最緊要大小平安, 都係拮多6 次大脾O者.....我頂得住. 之後譚教授都係叫我去搵一搵血科個主管RAYMOND WONG 醫生, 去到都係講返相個說話.....講完我就走啦, 當時都已經1 點幾了..要快D 返公司了...

下次再來產檢就12月29 日38W5D , 唔知阿仔出左世未呢....最好未啦, 我想你做1 月BB 呀...同埋比我放產假休息夠先啦,,, 呢排成日都訓得唔好....

最後附上幾張近照......個樣真係殘到不得了...

薑醋制作中2

2014年12 月9 日@ 35W6D

之前再買既薑煲出黎又OK WOR.....所以媽咪又再買多D 返黎, 換左第一煲果D 薑....真係浪費食物同金錢, 不過真係食唔到....咬都咬唔開, 所以無計

今次買多左好多.....再一次辛苦媽咪同老豆啦

最後而家有3 煲薑醋啦...大中細各一, 希望全部都好食啦!!!

洗衫仔 @ 35W

2014年 12 月9 日@ 35W6D

老公開始幫BB 洗衫啦....洗左幾日, 只係洗左一套床單, HIGH CHAIR 椅套...今日洗左D 底衫仔同毛巾.... 仲有幾套床單未洗, 面衫啦, 紗巾啦.....都應該要洗多幾機.....辛苦了爸爸啦, 我唔方便去掠衫, 我只係開左機, 由洗衣機慢慢洗.....

掠好晒D 衫, 我望住D 衫傻笑, 同BB 講, 你D 衫仔好得意呀,細細件咁....希望你會喜歡媽咪為你買既衫仔啦...

剪髮了 @34 W

2014年 11 月30日 @ 34W4D

媽咪為左你...剪左留左多年既長髮, 因為坐月唔可以成日洗頭, 又為左方便照顧你, 所以我決心剪短晒....有人問我又捨得剪晒既, 我只係答我D 頭髮開晒叉, 順便剪埋啦...但其實個心諗頭髮會長返, 但BB 只有一次睇住佢長大, 唔想唔洗得頭, D 頭髮又DIRTY, 掂到BB 就唔好啦....

政府產檢超聲波 @ 34W

2014年 11 月26 日 @ 34W0D

今日剛剛好34W, 政府比左個期我可以照超聲波, 因為老公陪唔到我去, 而政府照超聲波係可以家人陪埋入去....所以我叫左我媽咪去....雖然要佢陪我等咁耐, 但係我知佢都想見下BB....婆婆見到個孫真係好開心...姑娘講解時佢一路笑架....

今日有2 個護士學生一齊, 所以好似照得耐左....最好既係,有個男護士學生, 佢問個姑娘可唔可以 8 下BB 個樣, 我即話好呀~~~哈哈哈....可以見到阿仔個樣啦...

BB 訓緊覺, 仲要嘟起個咀仔咁訓, 好可愛呀~~~可惜老公睇唔到~~~呵呵...

同早一星期一樣, SIZE 係中碼, 頭仔已轉....但個重量仲輕過上次...唔知係唔係個姑娘度得唔準呢...不過佢都話SIZE OK...就唔理佢了~~~ 只要健康就好了!!!!

近照 @ 33W

2014 年 11月23日 @ 33W4D

今日返奶奶到, 見好好天, 叫老公幫我影返張相....但個樣真係超殘....

薑醋制作中2

2014年11 月21日@33W2D

唔知係咪D 薑吹得太耐定D 薑唔靚呢.....之前整既薑好柴皮咁...唉...媽咪仲買左咁多TIM, 唯有再買多D 薑唔好吹咁耐, 再煲多細既睇下會唔會好D...辛苦晒媽咪同老豆啦~~~~

呢D 薑係搵伯娘既朋友買, 平D, 希望都靚D 啦~~~  最緊要好食呀!!!

浸會產檢@32W

2014年 11 月15 日@ 32W3D

今日去左浸會做檢查, 老公今日返工, 而我又約左11:00am, 所以老公返工先, 到11點左右先過來, 我就自己10點3 到出門口

今日唔洗點等, 去到無幾耐就有得睇了....好快就攪掂走得!!

BB 一切正常, SIZE 都係NORMAL 即係中碼BB, 希望KEEP 住係中碼, 唔洗生得咁辛苦...不過個個都話我個肚細.....唉...細咪細囉...BB SIZE 又正常, 細D 有咩問題o者, 起碼我唔洗陀得咁辛苦, 個肚唔好爆紋丫......大家唔好再話我個肚細啦, 聽到都會有D 唔開心架, 好似我有問題咁, 比唔到BB 營養, BB 唔得肥肥白白, 好有壓力架!!!!!

醫生話BB 轉左頭啦, 不過都要等到36W 先可以CONFIRM, 因為都有機會轉返轉頭.....而家BB 重1.992gm, 即係 4 lbs  多D, 都OK 丫. 只要健健康康就OK 啦, BB 你要加油, 平安出世呀!! 多謝你日日都陪住我, 去邊到夠住我, 仲有8 星期咋, 可能無 8 星期TIM AR...你就出世啦, 好期待, 又好唔捨得你係我肚入面郁來郁去既感覺~~

薑醋制作中

2014 年 11 月1 日 @30W3D

好感恩身邊有錫我同BB 既屋企人, 你睇下幾多人幫手刨薑, 姑媽同姑姐都專登黎媽咪屋企幫手...

媽咪買左差唔多30 斤薑....佢地刨左幾個鐘...真係辛苦晒, BB 你大左要好好咁孝順佢地呀, 知唔知?!

呢排D 薑好貴, 十幾廿蚊斤....仲要買咁多...刨完既薑姑媽話要再吹下去先煲...所以今日只係刨左薑皮... D 薑皮就留返我坐月沖涼用....

第一次抽根 @ 30周

2014 年10 月29 日 @ 30W

今日剛好30周, 但訓醒第一份禮物,  就係---- 抽根

訓到7 點幾, 抽一抽懶腰就抽, 痛到我丫....即刻拍醒老公, 老公都比我嚇親, 聽到我話好痛....佢幫我按摩下...好快就無再抽住....但起身落床時, 左腳小痛都係有D 痛同抽住咁....希望唔好再抽根啦...試過一次就夠了





眨下眼就30周了... 仲有10 周咋, 又想期待你出世, 但又好唔捨得你係我肚入面既感覺, 而家24小時你都同我一齊, 返工, 放工, 出街我地都一齊...我要好好享受埋餘下的10 星期!!

飲糖水@29W1D

2014年10月23日 @ 29W1D

因之前覆診時問醫生, 我先有得做呢個測試, 個個都話糖水好難飲, 但係我本身肥, 我覺得做左安心D, 如果有咩野, 最多戒下口O者, 所以我都問醫生係咪需要做, 攞苦黎辛~~哈哈

飲糖水前一晚12:00 後唔準食野, 飲都係只準飲小量.....

今日約左8點, 但我7:30 先出門口, 本身想坐的士,但好多人等車, 最後都係行去坐巴士, 去到登記完已經8:08 了, 遲左小小, 行快兩步上7F, 不過上到去, 姑娘仲整緊D 文件, 未開始

坐低等左陣, 姑娘開始講解程序, 之後叫名對資料, 之後就等抽血...要抽 2 次血, 第一次係空腹抽, 第二次係飲糖水後兩小時...

抽完血就飲埋呢碗糖水>>>>>>

開頭入口有D 甜到苦既感覺, 但飲多兩啖又OK WOR...無想像中咁難飲, 不過真係好甜下...飲完之後都要飲返小小清水, 清下個喉嚨.....而家就要等2 個鐘後再抽血啦....

在等期間....有2個媽媽嘔, 姑娘話要再約時間再飲, 因為唔知你嘔左幾多出黎.....嘩, 又要飲多次~真係幾難頂, 因為就係難飲先會嘔...佢地仲要飲多次....真係慘!! 好彩我飲完都OK O者...2 個鐘黎抽埋血, 食小小餅同水, 就可以走, 姑娘話如果有問題就會3:00-6:00 收到電話....

返到公司, 不停睇住個電話, 怕有MISS CALL.... 又怕佢真係打黎, 話我有妊娠糖尿....攪到我羅羅孿....到左4點左右, 有個26XX 字頭既電話打黎, 我心諗:頂! 唔係呀, 中左呀, 嚇到我心跳加速, 一聽之下, 原來係廣告電話, 真係比佢玩死.....到左6 點都無收到醫院電話, 我個心先安心晒.....我可以放心小小食D 甜野啦~~~~ YEAH!!!

結構-王紹宏@20W6D

2014年8 月26 日@ 20W6D

今日請左半日, 約左10:45, 但要等到12 點先有得睇...一路等就一路緊張, 診所好多大陸人......

終於到我照啦, 唔知係咪醫生照得太多, 好公式化...一路照,一路講,,,,呢度係心, 胃, 腦, 數手指等等.......又問我想唔想知BB 性別, 緊係想啦....開估啦~~~ BB 係男仔~~~~

醫生話見到BB 個腦有2 個心泡仔, 多數會散, 佢話如果唔似係染色體問題, 如果有問題D 手仔會唔識打開...佢見BB 又OK, 所以話無問題

BB 大至正常, 放下心頭大石, 最緊要健康, 睇完出去等比錢, 咁就成為2000 大元, 有4D相, 有隻DVD....聽日再去政府照, 我都係為左有4D 我先去私家照...大家覺得BB 似我定爸爸呢?!

產檢@20W2D

2014年8 月22 日 @ 20W2D

又再一次去到威爾斯產檢...又係做返同一樣野, 就係等!!!

今日只係聽左BB 心跳.....問左兩句就走了..

不過多左FEEL 到BB 胎動, 日日都有D 彈下彈下既感覺... 即係我之前無FEEL 錯啦....但BB 未算郁得好多,同好大力.....期待DADDY 都可以感覺到你郁既日子來臨

下星期二同三都會照結構, 到時就知你係男定女啦......除左知你性別外, 最緊要係你要健康, 希望一切順利啦!!!!  BB 加油!!!

BB 展

2014 年 8 月2 日 @ 17W3D

同老公去左BB 展,行左一陣, 唔算太多人, 睇左揹帶, 但無買, 最後只係買左個托腹帶, 同埋左防肚紋CREAM,

唔知呢個托腹帶WORK 唔WORK 呢....

16W3D - 產檢@浸會

2014年7 月26日- 16W3D

今日去左浸會做檢查, 眨下眼就16 周啦, 又可以見到BB 你啦, 唔知知道你係男定女未呢....

入到去,醫生問左小小病歷, 就幫我照啦.... 見到我個寶貝真係好, SIZE 正常, NORMAL SIZE, 唔係大隻B....

唔知係我肚皮大厚定部機唔清呢......醫生話未睇到係仔定女, 但又話似仔多D WOR....佢話到20周照結構先知WOR.....又要等多4 星期了.....

呢兩日FEEL 到肚皮彈左兩下....係咪BB 你郁呢....唔通咁快FEEL 到胎動?! 好奇妙既感覺, 但老公話唔係WOR, 話係我D 腸郁咋...打激我..定係佢唔抵得BB 你比我FEEL 到你郁..而佢無呢...哈哈哈哈....

14W2D - 產檢

2014年 7 月11 日 - 14W2D

今日再去威爾斯做產檢....有2 個星期左右無見過BB 啦....今日唔知見唔見到你呢......, 磅完重, 量完血壓, 驗埋小便, 就開始等, 等就等左好耐, 睇就睇得一陣, 仲要唔比老公入去......


BB 我又見到你啦....不過就真係只見你一面.....因為未用到胎心機聽心跳, 所以先比可以用機見BB 一陣, 醫生只係睇到BB 心跳, 比我睇一眼就話OK 啦.....

之後再比期下次再復診就走啦.....

早期唐氏 OSCAR

2014年 6 月25 日- 12W

今日去威爾斯做早孕期唐氏檢查, 心情都十分緊張..... 9 點9 左右去到食早餐, 之後去左抽血中心拎定張飛先, 因為知道要抽血, 又怕有排等, 所以拎定先~~  上到去婦產科, 唔算等好耐...

我都算好彩, 係醫生幫我度, 因為之前聽過有D 係姑娘幫手做檢查, 而度完又唔會講係幾多, 最多只係講正常定唔正常....今次可以同老公一齊入去, 我訓左上床, 床尾有個電視, 老公就企左係床尾, 睇住醫生果個超聲波機...

見到BB 你啦, 你真係好可愛呀, 見到你食手指...又彈下彈下, 個頭又郁下.....

因為BB 郁, 所以試左一陣先度到頸皮厚度
醫生話:
- size 5.38cm
- 有鼻骨,
- 頸皮 1.34mm
- 心跳 170
所有野都正常, 岩周數...

因為無相比我, 以上數字我要記住, MARK 低返.....聽完醫生話正常, 即刻安心晒, 之後去抽埋血, 2 星期內無收到電話就係低風險...要平平安安過呢2 星期呀....

惡夢之延續2

2014年 6 月17日 @ 10W6D

一星期打一次針, 話咁快又一星期了, 今日又要去5E 病房了......

早上8點去到, 今次無床位比我了, 我仲WHATSAPP 老公, 話今日應該好快, 點知都唔係既.....
去度坐係出面睇下電視, 都等到10 點幾, 先有個姑娘話同我打左針先, 但醫生無咁快到, 要見埋醫生先走得, 醫生唔知幾點到, 可能2-3 點先到, 佢話可以比我返屋企轉頭再返來......

今次全程自己打, 呢個姑娘都流流地, 同埋唔多理人.....問佢野又唔答人, 問佢係咪咁打, 佢話你上次點打丫....頂佢丫, 想confirm 下O者, 無錯咪無錯囉......問佢打完個大脾紅左一達係咪正常, 佢又唔應人......咁多次最差都係呢個姑娘, 平時D 姑娘同醫生都好好架...

打完針我返左屋企, 11 點幾返到去,食埋個LUNCH 休息下, 1:00 左右又出去了, 坐緊車途中姑娘話醫生到左....問我係邊....我話仲有15MIN 左右先到, 點知我去到, 姑娘又話醫生走左.......頂...又要等.....其間見到個女人....好想同人傾計,先問佢隔離果個咩事要黎, 人地都唔係好應佢....隔離果個走左, 坐左第二個埋黎, 佢又問人有咩事要入5E.....第二個都走埋, 我心諗你唔好轉頭呀, 我唔想同你傾計呀......見到佢正想同我打招呼既時侯, 姑娘叫佢名, 可以見醫生.....我真係太好彩了....哈哈哈...

我繼續自己等....等到4 點幾, 周圍既人都已經走晒, 得返個入黎飲糖水既媽媽, 個姑娘見佢好累, 話比個床位佢休息下....咁就得返我一個自己坐係度, 好彩到5 點左右,醫生到啦, 同我傾左兩句,我話有小小流啡, 因為佢知我想照多次個BB, 佢好好咁話幫我照一照, 比我睇下BB 心跳, 同埋話無出血, 一切正常, 我即刻安心晒, 又可以見多阿B 一次真係好開心. 個個都話政府無得照架麻....下次見BB, 應該要等多一星期度頸皮了......

第一次到私家檢查

2014 年 6 月 14 日- 10w3d

今日去左私家做檢查, 約左10:30, 未夠10 點已經去到, 同老公食返個早餐先~~

去到坐係門口等既時間真係過得特別慢, 成日都好擔心BB 無生長.......

因為之前係政府檢查, 老公未見過BB 架, 今日終於有機會啦~~

醫生第一句: 見唔見到心跳呀
BB 你已經有3cm 長啦..大左好多, 同大得好快, 你要加油呀, 我既寶貝!!

惡夢之延續

2014年 6 月10 日 @ 9W6D

今日再去多次5E 病房, 今日唔洗咁早去啦, 十點左右去到, 比左個床位我, 休息左一陣, 姑娘就叫我去左買藥先, 因為D 針要自費, 買左先有得打...

買完返黎, 比姑娘雪住先, 話等食埋LUNCH 先打, 食飯時就同隔離床傾下計, 左右兩個都係大肚媽媽, 2 個都已經38W 了, 因為BB 未調頭, 所以入院試下人手轉頭, 一早空肚入院, 等到3 點幾4 點先去做, 希望佢地成功啦, 唔係就要開刀架啦....而對面床既係一個 Auntie, 因為子官下垂要做手術, 我都希望佢手術順利啦


到左2 點幾, 終於到我學打針啦, 姑娘話打大脾, 唔好打肚, 打有脂肪既地方, 手脾都得, 姑娘幫打第一針, 叫我睇住, 下次先到我自己打, 我想像中咁痛, 為左阿B 咩痛都可以忍!! 加油!!

打完針, 要等埋醫生來先可以走......等呀等....等到4 點幾5 點醫生先來, 我先可以出院, 咁就等左一日了, 去比埋錢就出走啦....坐的士返屋企, 因為怕有副作用, 會好唔舒服, 同埋D 藥要保存係雪櫃, 所以要盡快返去

返到屋企係床都休息下, 老公都放工了....好彩副作用唔算太多, 都只係有小小頭痛....

惡夢的一日

2014年 6 月9 日 - 9 w 5 d

今日8 點去到醫院5E 日間病房, 就係我今日惡夢既開始........

老公返工, 得我一個去, 去到比左個床位我, 比我休息, 訓下, 但係好悶囉....入院既主要目的係見血科醫生......

訓下醒下, 都未見醫生來....等到食飯時間, 老公話買外賣比我食.....醫院既飯真係好難食....感謝老公專登請半日買飯比我食, 可惜女病房, 佢唔可以留低....

本身以為醫生會3點幾來...但係無囉....一直等...等....等......等到5 點幾醫生先來...醫生話建意我打針, 打干擾素, 令到血小板低返D, 但會有D 副作用, 醫生話我已小產過2 次, 所以覺得打會好D, 但呢支針要自費 6 百幾蚊支, 一星期打一次.....我同醫生講比我考慮下....

醫生行開左, 我就即打比老公, 老公話錢唔係問題, 只要安全.....再即上網CHECK 下有無副作用, 我地好快就決定打針了....

醫生話等姑娘教我打針, 佢就走左了......我就繼續係度等, 姑娘話要等見埋婦科個醫生WOR.....但等到6 點幾....個醫生都仲未到, 而日間病房要收工, 就叫我去7E 既產前病房...

去到時, 見到個個都肚大大, 準備生的, 又係探病時間, 個個都有人陪住, 而我就自己一個坐係門口等姑娘安排.....之後見左個姑娘,佢話叫我留一晚, 我話唔好啦.....我已經好想喊....我真係唔想留院, 我寧願聽日一早再黎....之後個姑娘都係叫我換左衫先....萬個不願意下都係換左....
其他大肚婆同家人都望住我, 一來我未見肚, 二來我個樣可能真係好唔開心, 佢地想知我咩事.....

係床到等左一陣, 有個護士長行過來, 同我傾計, 佢唔講都無野, 佢一講野我就開始喊, 我真係唔想留院, 加上我真係好擔心BB, 打針會唔會影響佢呢.....好彩個護士長好好, 佢安慰我, 又話覺得我真係唔洗留院, 可以聽日先返來, 佢話幫我同醫生講, 我幫我打去藥房問果隻藥......原來血科醫生寫漏左小小野, 所以都買唔到藥住.

等到8 點幾, 婦科醫生黎左.....佢都同意比我走, 叫我明天再返來.....

到差唔多9 點我終於可以走.....留左係醫院13個幾鐘呀....仲要係多數時間都係等...
飛的返屋企, 見到老公真係忍唔住狂喊, 今日真係發左場惡夢呀!!!!

聽日又要返去多一次了..........希望可以快D 比我走啦....

產檢@9w2day

6 月6 日- 9w2day

時間過得好慢...好不容易先到今日產檢, 等左好耐先有得睇.....一路等一路驚, 好擔心BB
入到房有個後生既女醫生, 問左一D 病曆就叫我訓上床檢查了....

醫生用胎心機聽BB 心跳, 但係BB 太細了, 聽唔到......之後就幫我照肚.
我心諗太好了,  可以見多次BB, 未見到之前個心一直都好驚...
當醫生搵到BB, 轉個MON 比我睇....問我見唔見到心跳.... 我先安心D, 之後問醫生BB 咩SIZE, 想睇下BB 岩唔岩周數, 點知佢個機太舊, 醫生話度唔到....不過有得比我見多次BB, 都抵返晒

檢查完, 醫生叫我等一陣, 佢問多個醫生意見, 因為我有血小板增多症..所以問多個醫生穩陣D, 之後醫生叫我星期一入院見血科果邊醫生.....

一出到去見到老公個樣十分擔心, 佢話叫佢D 人出出入入, 以為我有咩事.....嚇死佢.....不過我話返佢知見到BB 心跳佢都安心返D 啦....唔好意思呀, 嚇親你...哈哈..

第一次見面

5 月26 日 - 7W5D

等既日子真係好慢.....終於到今日了, 在醫院等見醫生既時間都好長咁...又緊張又擔心, 好彩老公陪住我, 其實佢都好擔心....不過無出聲o者

好不容易等到見醫生, 我同醫生講話流啡,佢話驗查左先....
第一次見到我個寶貝, 見到有閃閃我開心到喊
個姐姐問我做咩喊, 個醫生話佢應該開心...哈哈.
個醫生真係明白我個心情, 真係好感動
不過醫生無話我知心跳幾多, 只係話左size 係 0.85cm, 乎合周數
聽到個心都定d, 醫生照完又無見到有流血情況, 所以都係無比病假我, 我只好自已唔好郁咁多, 訓多d 訓先啦...

一開門, 老公個樣好緊張, 佢一直係出面等, 應該好擔心....我笑一笑回答佢...佢先吐一口大氣...佢真係好緊張咁wor... 最衰政府係唔比爸爸一齊入去睇...

流啡

5 月20 日- 6 W6 至 5 月 25 日- 7w4 
每日最小一次有啡...真係好擔心, 幾時先到5月26 呀....
呢段時間, 一返到屋企就上床訓, 到早上又無乜啡, 到放工時間又會有小小WOR...
因為以我經驗去睇醫生都無用, 只有休息先係最好既, 除非流鮮血啦....唔係既話訓床應該係最好既....

BB 要乖呀, 好好痴實媽媽呀!!

拎懷孕證明 & 排期

5 月13 日 - 5w6d
因為Cycle 比較長, 但醫生都係計係 LAST M 計, 所以有5 周幾了..

今日早上驗多次,  放工就去睇醫生, 不過左腹有D 痛, 好擔心係宮外孕.......
好彩睇完醫生, 佢摸過我個肚, 佢話似D 腸痛多D, 佢話如果我太擔心就係醫生紙到寫埋, 睇下醫院會唔會快D 比你睇...佢咁講完我都安心左小小....不過都係小小咋, 個心仲係好不安,好擔心


 5 月14日 - 6 w
今日去埋醫院排期, 佢真係比左個"早孕期檢查" 我, 5 月 26 號就有得睇了, 另外仲有埋Oscar, 同產檢, 因為本身有血小板增多症, 加上有2 次愉快經歷, 所以我估佢比我早D 產檢, 我見好多媽媽都要廿幾周先有第一次產檢.

而家只係好期待 5 月 26 的來臨, 等....真係好漫長~~~~

Due Date....

2014 年 5 月 7 日 

今日係due date, 已經忍唔住驗啦...

兩條線呀...BINGO!! BINGO!!  收到一份好好既母親節既禮物
不過都仲係好唔真實.....亦都係擔心既開始....
只希望BB 健康, 希望會順順利利.....

因為條線未夠深色, 所以等多一星期先去拎醫生證明.....

雖然BINGO 左係好開心, 但我親愛的公公係前兩日離開左, 即係我去唔到送佢最後一程了....希望公公唔會怪我, 同埋希望公公保佑BB 健康出世!!

身體上未有明顯變化, 只係有D 谷M FEEL...