將於12月7 日過大禮

已經有過大禮既時間....比我預期既早, 我諗住係12月尾到架, 不過唔緊要, 仲好啦..快D 攪掂可以早D 派帖....

原來過大禮真係好多野攪....諗住簡簡單單, 點知唔係......我知我屋企人多, 所以都預多左唐餅, 前幾日去埋奇華訂餅, 2000蚊可以送貨...我真係無諗過, 過大禮要買成2千幾3 千蚊既餅....因為阿媽都係想派現成既多過餅咭, 到過大禮O個日仲叫埋D 姨媽姑姐上黎湊熱鬧攞餅食....

頭先我真係好嬲呀....嬲到我忍唔住喊, 夜媽媽唔訓都要打埋呢篇BLOG 先訓......發洩下先得呀!!! 頭先呂大人話我未來奶奶問 4 式海味可唔可以買一份, 唔買兩份.....我話未聽話人地係咁WOR.....我真係唔知點問阿媽好啦.....邊有人買一份架, 過大禮O個D 野全部都係成雙成對架啦.....邊會迎單隻影架........唔通你想我同你個仔第時都係迎單隻影呀!!! 我真係好嬲呀!!! 我唔信未來奶奶O個時過大禮係單數呀!! 真係好想講粗口鬧人呀!!! 我屋企已經係無咩要求, 又唔係要 8 式, 又唔一定要買最好買最貴既, 禮金都無話要幾多, 佢地都係講個意頭O者..想我嫁得好...想我開心O者.....我屋企人已經幫左我地好多, 我個未來屋企我阿爸阿媽放工後都去幫我執野, 抹野, 抬野, 仲幫我買埋冷氣機, 佢兩老為咩O者..都係為左我可以住得舒服D, 佢地真係好錫我架.....我真係唔識點問阿爸阿媽買一份得唔得啦....我唔想比佢兩老覺得我未來奶奶會刻薄我, 我第時會比人蝦, 會比人睇唔起呀.....我可以點做呀?! 有無人可以教下我呀?!